Celso Ad Castillo Film Posterama

"Pinaka Magandang Hayop sa Balat ng Lupa!" Heto ang mga movie posters ng mga pelikula ni Celso Ad Castillo; ang controversial na director na nagbigay sa atin ng "Nympha" at ang legendary "Ang Pinaka Magandang Hayop sa Balat ng Lupa" starring ang Miss Universe ng panahong iyon na si Miss Gloria Diaz.

Ayon sa maraming movie critics, siya ang nag bigay daan sa pag-incorporate ng artistry at commercialism sa mga sex films na nag-simula noong '70. Maraming kilalang artista ang sumikat sa pag-ganap sa kanyang mga pelikula. Heto at ating balikan ang makulay na daigdig ni direk Celso Ad Castillo.

Nympha (1971) Winner: Best Cinematography / Black & White

Ang Mahiwagang Daigdig ni Pedro Penduko (1973) Winner: Best Comedy Picture / Best Supporting Actor Best Cinematography / Best Music / Starring: Ramon Zamora


Kung Bakit Dugo ang Kulay ng Gabi (1974) Winner: Best Actress / Best Screenplay / Starring: Alona Alegre / Rita Gomez / Celia Rodriguez / Liza Lorena

Return of The Dragon (1974) Starring: Ramon Zamora

Ang Pinakamagandang Hayop sa Balat ng Lupa (1974) Starring: Gloria Diaz

Burlesk Queen (1977) Winner: Best Picture / Best Actress / Best Actor / Best Director / Best Screenplay / Best Music / Best Production Design / Best Editing / Best Supporting Actor / Best Supporting Actress / Starring: Vilma Santos

Virgin People (1983) Top Grosser: 1983 Manila International Film Festival / Starring: Janet Bordon / Myrna Castillo / Pepsi Paloma


Pedero Tunasan (1983) Starring: Lito Lapid

For more nostalgia, read: NOSTALGIA LIST #01



Technorati Tags:70s, 80s, movies, nostalgia

Read More

Forgotten Wonders Of The PLDT Rotary Phone

"Partyline paki baba nga yung telepono, kanina ka pa!" Napakalayo na talaga ng narating ng technology ano? Marami na sa atin ang nakalimot sa buhay natin noon: bago pa magka-cell phone, bago pa magka-internet, bago pa magka-answering machine, bago pa magka-Pocket Bell, bago pa magkaroon ng push button telephone, meron tayong rotary phone! "Rotary ano? Rotary Club?" Hindi Rotary Club! Rotary Phone! Kahit wala lahat yun mga ibang gamit na binanggit ko, nabuhay tayo lahat. Kahit na may pagka primitive ang tinggin ng iba sa buhay natin noon, lagi kang napapangiti o natatawa sa mga alaala. After all, marami kang memories na kasama ang telepono mula nung bata ka pa, hanggang sa iyong paglaki. Heto at bumalik tayo sa mas simpleng panahon.

Standard model ng rotary phone. Ito ang telephone mo sa bahay.

MORTAL ENEMY MONG PARTYLINE
Halos lahat tayo meron nito. Limitado ang analog lines ng PLDT noong araw at minsan nag-papatong-patong ang mga linya. Gusto mo mang gamitin ang telepono, pero laging nasa kabilang linya ang partyline at parang hindi siya nauubusan ng kwento dahil lagi niyang ginagamit ang linya. Kaaway ng buong pamilya mo itong hinayupak na to na mahilig mag-telebabad na ayaw magpatawad.

Araw at gabi, laging pinagaawayan ang linya. May mga partyline na mapag-bigay na ibababa ang telepono pagmatapos sila makipag chismisan, pero maroon yung mga hindi talaga nagpapatalo. Patayan para sa paggamit ng linya? Minsan! May mga kwento-kwento tungkol sa mga barako na nag-hamunan para magkita, at nag gulpihan dahil sa pangaabuso ng linya. "Sus mariyosep naman talaga ano?"

Typical partyline memory ng karamihan sa atin: Ang sarap ng siyesta mo maghapon, hanggang nagising ka sa sigawan na galing sa sala. Ayun! Yung nanay o tita mong mainit ang ulo ay nakikipagsagupaan sa partyline para gamiting ang telepono at minsan ang sagutan ay halos isang oras! Matapos ang sagutan ay may kasunod na malakas na pag-BANG ng receiver. Kaya naman siguro mabibigat at matitibay ang mga telepono noon para hindi madaling masira. Isipin mo kung ilan taon bago pinalitan and inyong phone? Matagal rin diba? Minsan lang dumalaw ang PLDT para mag-service, pero yung black ninyong telepono ay hindi nasisira; mas lalo na yung mas luma pang telepono sa bahay ng lola at lolo mo. Halos panahon pa ng Hapon yung telepono nila.

Telepono sa bahay ng lolo at lola mo. Tiyak na mas lumang model, "Panahon pa ng Hapon!" Mas mabigat dahil maraming metal at heavy moulded plastic parts; halos 1.5 lbs ang bigat ng handset, pero napaka tibay! Hindi nasisira kahit ilang bagsakan ng handset.

ANG CROSSLINE
Bago pa ang Instant Messenger, Net Meeting, Mirc, bago pa ang chat, bago pa nagka personal computer sa bahay ninyo, wala pang three-way calling, mayroon isang paraan para magkausap ang maraming tao na sabay sabay. Pero hindi ito alam ng marami at kakaunti lang ang gumagawa nito. Pag bakasyon sa summer mahahaba ang araw at lagi kang nag hahanap ng libangan. Minsan nadiskubre mo na pag marami kang na-dial na numero na sunod-sunod ng mabilis, bigla ka na lang makakapasok sa isang linya na maraming tao ang nag-uusap na SABAY-SABAY! Minsan tatlong tao, minsan walo pa nga! Bilib ka sa mga tao na gumagamit nito dahil kahit sabay-sabay silang naguusap, nagkakaintindihan sila at meron pa silang sariling crossline lingo, parang sa CB o radio. Maa-access mo rin ito pag ginamit mo yung plunge button, o clicker na parang morse code. Ika nga, parang early day hacking ano? Nakakatuwang isipin na bago pa magka-chat, eh meron nang crossline community.

"Ms. Landrito, please ask Mr. Asuncion wat time he would like tu hab our berry important meeting please." More stylish white phone. Minsan off white, cream o beige. Usually nakikita mong ginagamit sa mga opisina.

SI ROMEO EN JULIET NAGKAKILALA BILANG PHONEPAL
Ilang beses kang nakasagot ng tawag at ang greeting sa iyo ay:

"Hello? Hello? A... pwedeng makipag phonepal?"

Minsan tumambay ka sa may tabi ng sari-sari store, at nakita mo yung nagbabantay na abalang-abala sa pagsulat ng love letter. Tinanung mo kung sino ang sinusulatan niya habang umiinom ka ng malamig na Coke solo. "Sa penpal ko sa Maccao." Nahanap niya ang kanyang penpal sa isang ad na naka-imprenta sa Song Hits. Maraming kinasal sa penpal, pero marami din ang nag-sama dahil sa phonepal. Mas mabilis nga naman kasi ang resulta kung ikukumpira sa penpal. Isipin mo, pwede kang tumawag ng kahit anong ranom na numero tapos kung nagustuhan mo ang boses, tanungin mo kung gusto niya makipag-kwentuhan. Kung ayaw nila, eh di tawag ulit!

"Room service please!" Heto ang nakikita mo sa mga magagandang hotel.

MGA KWENTO MULA SA ATING MGA TAGAPAGBASA
Marami kang matatandaan na nakakatuwang kwento o misadventures with your telephone noong araw. Mag-email ka sa akin para mabasa ng marami at masiyahan sa iyong matamis o mapait na alaala.

Gumagamit ako noon ng crossline! Tama ka at merong special codes at language na parang radyo. May kanyakanya kaming mga handle para alam namin kung sino ang kinakausap namin. pagmadalas ka sa crossline nabobosesan mo yung mga tao at nakikilala mo sila lahat.
Maraming salamat.
--Rudy--

Minsan nagka phonepal ako noon. Galing raw siya sa Baguio so long distance ang kanyang mga tawag pero lagi siya ang tumatawag sa akin. Hindi ko naisip na hingiin sa kanya ang kanyang number. Mga tatlong buwan mahigit kaming nagusap pero bigla na lang siya hindi tumawag. Nalungkot ako at hindi malaman ng mga kaibigan ko kung bakit. 30 years later, may asawa na ako at pamilya pero hindi ko pa rin malimutan ang aking naging phonepal na taga Baguio.
--Rosemarie--

Teenager ako noon sa probinsya at nilalakad ko ang kabilang bario para makigamit ng telepono. Isang bahay lang sa buong bario ang may telepono. Yung telepono nila ginawa nilang business at nilagay nila sa harap ng kanilang tindahan, piso bawat limang minuto. Laging puno ang harap ng tindahan nila at lahat naghihintay para gamitin ang telepono. Kaya naman naisipan ng pamilya magbenta ng barbecue sa may tabi ng tindahan para ibenta sa mga taong naghihintay. Panay tawag ko noon sa mga pinsan ko sa Baclaran tuwing linggo. Ngayon nandito na ako sa Maynila at namamasukan sa isang call center bilang isang call operator. Malaking parte ng buhay ko ang telepono.
--Miguel--

For more nostalgia, read: NOSTALGIA LIST #01

Technorati Tags:70s, 80s, nostalgia

Read More

Game & Watch! The Original Pocket Video Game

"Pahiram! Ako naman!" Pataasan lagi ng score, at minsan hindi mo pinapatay para ipakita sa mga classmate mo the next day ang highest score mo. Pag gusto mo i-reset ang display ng oras, i-press mo lang yung maliit na button sa maliit na butas using a ballpen o pencil. Pag tinanggal mo yung battery cover tapos binalik mo, reset na ang lahat. Nabibwiset ka kapag bigla nalang nawawala ang power dahil ubos na ang battery! Still, ito ang isa sa pinaka masayang laruan mo noong araw na pinagbubuhusan mo ng maraming oras.

RC-04 1980 FIRE

CN-07 1981 HELMET

PR-21 1981 PARACHUTE

FR-27 1981 FIRE

OC-22 1981 OCTOPUS

PP-23 1981 POPEYE

FP-24 1981 CHEF

EG-21 1981 EGG

MC-25 1981 MICKEY MOUSE

OP-51 1982 OIL PANIC

DK-52 1982 DONKEY KONG

JR-55 1983 DONKEY KONG JR.

PG-92 1983 POPEYE

CJ-93 1983 DONKEY KONG JR.



More Game & Watch at: www.gameandwatch.com

For more nostalgia, check out the: Toys & Games Category

Technorati Tags:80s, video game, nostalgia

Read More

VST & Company Photo Album: Nostalgic Photos of The Original Disco Kings

Everyone is a big VST & Company fan!
It's pretty obvious why everyone loves VST & Company. They were the biggest hitmakers of the '70s and early '80s, and to this day their hits have never been surpassed. Their songs have become anthems for any generation, their image iconic. There has never been any musical group that matches the uniqueness and style of VST & Company. They remain one of Philippine music's greatest inspirations, and will forever be in our hearts as a true Pinoy original.

Nostalgia Manila is very proud to present this RARE collection of VST & Company photographs taken from the group's personal photo albums. Maraming salamat kay: Roger Rigor, Spanky Rigor, Celso Llarina, Monet Gaskell and Male Rigor, who allowed Nostalgia Manila to publish these photos online.

COPYRIGHT NOTICE AND USAGE: These images are governed by copyright laws. If you decide to use any of these images on your web page PLEASE MAKE SURE TO INCLUDE PROPER CREDITS TO NOSTALGIA MANILA! NO HOT LINKING PLEASE!

(CLICK ON IMAGES FOR LARGER VIEW)

A Pre-Vic Sotto VST. A photo of the 1st original lineup which included: (Left-Right) Monet Gaskell,Val Sotto, Spanky Rigor, Jun Medina, Celso Llarina, Roger Rigor, and Male Rigor. This photo can be seen printed on the back of the first VST & Company album (orange album cover). What makes this photo different from the one in the album sleeve is that the group is seen smiling in this one.




Original concert ticket: St. Scholastica Academy, San Fernando Pampanga, October 5, 1979. Roger Rigor signs autographs (left), Male Rigor and Monet Gaskell in background. Taken during one of many record store appearances.

Top: Behind the scenes photo of Vic Sotto (Left) and Celso Llarina (Middle) recording tracks at Cinema Audio Studios. Below: Vic Sotto lounging, and laying down vocal tracks.

Below: Vic Sotto wears a very cool VST Promo T-Shirt that says "Get instant relief with Disco Fever!" VST & Co in concert. Vic sotto and the group prepares for soundcheck on stage.




More Vst & Company: Nostalgia Manila's Exclusive Interview with VST & Company's Roger Rigor! NM interviews the former VST idol Roger Rigor. Roger shares with us some amazing stories and memories of what is was like to be a member of the legendary musical group.

Technorati Tags:70s, music, disco, nostalgia

Read More

Sampaguita Vintage LP

Album Of The Week is made possible through the kindness of our good friend Edward De Los Santos. For the best source of classic records, vintage magazines, and other amazing vintage collectibles, visit his Ebay stores: philippine.music (Ebay Philippines), and oldbestseller (Ebay USA).



Front Album Cover (CLICK IMAGE FOR LARGER VIEW)


Back Album Cover (CLICK IMAGE FOR LARGER VIEW)
Technorati Tags:70s, music, vintage, album cover, nostalgia

Read More

Nostalgia List #01

A trip back in time. Tara na at sumakay tayo ng Time Machine! Here is our first Nostalgia List! Nostalgia Lists contain various fun memories of the '60s, '70s and '80s. Everyone is encouraged to participate and add to these growing lists. Send in your list items to nostalgiamanilamail[at]yahoo[dot]com, and those chosen will be added to the next list.

1. Cherry Foodarama sa Shaw Boulevard: May mga Koi Fish sa labas, at yung mama sa hardware section kamukha ni Mr. Spock sa Star Trek.

2. Choo Choo Junction malapit sa Shakey’s Greenhills.

3. Hindi pa cementado yung fountain ng Greenhills Theater.

4. Before McDonalds meron nang Big 20 Hamburger.

5. Malaking chismis na ang Jollibee burgers ay gawa daw sa uod.

6. UFO Burger ng Shakey’s, served on a plate na may red na plastic dome cover na mukhang UFO.

7. Feeding the fish sa likod ng Virramall.

8. Pumupunta ka sa Fun House sa loob ng Greenhills Arcade para tumingin ng Blood Capsules, o Snapping Chewing Gum, at aliw ka sa Frankenstein na nasa harap.

9. Iron-On Station sa Unimart: Pipili ka ng T-shirt at pipili ka ng Iron-On na pinepress nila on the spot.

10. Unang tikim mo ng Orange Julius at waffledog sa Unimart.


11. Coney Island ice cream sa likod ng Unimart una kang nakatikim ng waffle cone, at Eskimo Roll.

12. Gift Gate: Lego, Hello Kitty at Sanrio, Matchbox Cars at Stationery.

13. Unang bukas ng McDonalds sa Greenhills: aliw ka sa drive-thru at sa playground.

14. Maggie Noodles Promo: Futuristic car racing stickerboard. Yung mga sticker ng mga cars nasa loob ng pack ng noodles. Tapos dinidikit mo sa sticker board na raceway na makikita mo sa gitnang fold out page ng Panorama Magazine.

15. Milo Promo: Wild West plastic toys. Nakukuha mo yung plastic toys sa loob ng Milo cans. Mga cowboys at indians. Pati mga olympic stand up toys often called Tautauhan.

16. Flying Tee: Simple plastic propeller + stick assembly na pinapalipad mo by sliding your palms. Nakukuha mo sa cheese snacks na usually nabibili sa mga vendor sa labas ng eskwela.

17. UFO Space Helmet: Nabibili mo sa Greenhills o sa Divisoria. Comes with a set of stickers na circle with numbers printed on them na dinidikit mo sa harap, sa taas ng visor. May dalawang antenna on each side. Isang beses nagka malaking parade ang Coca Cola sa Greenhills at yung mga naka space costume at rollerskates suot-suot nila itong helmet na to.

18. Plastic Sword Toy: Nabibili sa mga palengke. Yung gold and handle tapos may red na plastic gem sa end ng gold handle, meron pa kasamang black na plastic case na kasing haba ng sword.

19. Star Rangers: Pinaka unang ranger series na imported from Japan. Laging pinag-aawayan kung sino ang magiging Star 1 (Red Ranger) pag-naglalaro.

20. Maraming may Voltes V na laruan. Yung kapitbahay mo na may-ari ng hardware na mayaman merong Daimos na binili sa Hong Kong. Pero yung tisoy na sikat sa school may Gendizer! Kumpleto pati yung UFO! Nilalabas lang niya bawat recess time o uwian para hindi ma-confiscate ng teacher.




21. Pag lumalangoy ka sa swimming pool, iniisip mo na bubukas ang ilalim at lalabas si Mazinger Z!


22. Kung babae ka, lagi kang naiiyak sa Candy Candy. Kung lalake ka, ayaw mong ipaalam sa mga classmate mo na pinapanuod mo yun.

23. Nuong unang bisita mo sa Camp John Hay sa Baguio, aliw ka sa vending machines na may Fanta (in cans!), mini-golf, at PX Goods na grocery. Feeling mo nasa states ka dahil rin malamig!

24. Ang unang Coke in cans hinihila mo yung tab para humiwalay sa can, pero minsan nakaka-sugat kayat dahan dahan mong iniinom.

25. Si Lolo at si Lola laging may reserbang lata ng Sky Flakes o Sunflower crackers.

26. Nuong field trip mo sa Goya Fun Factory ang una mong hinanap ay yung chocolate stream kasi nakita mo sa commercial.

27. Popular T-shirt designs na embossed at puffy: Star Rangers, Watari The Wonder Boy, Voltes V, Daimos, Superman, at Batman.

28. RC Racetrack sa may parking lot ng Unimart: kung saan nag-kakarera ang mga gas powered na RC, usually Formula 1 cars, at amoy gas pag nanunuod ka sa tabi. Ginawang Mini-Golf (Par 44) na may dinosaur nuong late 80s.

29. Pinag-susuot ka ng corduroy na pantalon.

30. Minsan nalilito ka sa schedule ng GMA 7. Excited ka manuod ng Voltes V pero ang palabas ay Kapwa Ko Mahal Ko na ang host si Orly Mercado. Ang sponsor ng Voltes V ay Purefoods at Square Fruit Chews candy na gawa ng Sugus. Yun ang mga logo sa Voltes V coloring books.

31. Natatawa ka sa matabang intsik na bata na nakasuot ng chef uniform sa commercial ng Marca Pina. “Pina asim!”

32. Curious ka sa lasa ng Lipovitan.

33. Paminsan-minsan may baon kang Yakult sa lunchbox mo.

34. Aliw ka sa rainbow colors ng Fruit Stripe chewing gum, yung may cartoon na zeebra sa package, pero mahal. Kaya bumibili ka sa sari-sari store ng Big Boy bubble gum. (Red/orange at yellow ang papel na wrapper).

35. Kinukulekta mo ang tansan ng softdrinks para sa Superhero board game na larong dama.

36. Aluminum tube pa ang mga toothpaste noon, at napaka-futuristic ang dating ng unang labas ng Pepsodent dahil plastic ang tube.

37. Mas mukhang masarap ang itsura ng Hubbard Chicken commercial kaysa sa Magnolia Chicken.

38. Meron pa noon Beef Curlz ang Jack & Jill snacks. Ang Chippy nabibili din sa canisters. Hindi lang Chocolate Pretzels ang meron kundi yung plain sugar na pretzel sticks.

39. Piso lang ang isang maliit na bowl ng Taho. Pag malaking bowl, binabayad mo 5 pesos, yung green na 5 pesos. Maraming taho yun at kasya sa buong pamilya pang meryenda.

40. Ang Sunkist Juice ay nabibili sa triangle na tetra-pack. May papel na selyo na peel-off bago mo saksakan ng straw.

42. Merong Daisy brand na milk. May plain, chocolate, tapos yung pink ay strawberry flavor.

43. Pagandahan ng pencil box sa school. Ibat ibang mga design, pero ang pinaka maganda ay yung super pencil box na dual layer na folding, na maraming compartments. May pop-out na pencil sharpener, sliding ruler, at special compartment para sa eraser.

44. Uso sa school ang Bensia Space Pencil. Transparent ang casing na iba ibang kulay at parang bala yung mga pencil tips na pinapasok sa end ng pencil. Sabi sa iyo ng mga classmate mo na yung pwit ng pencil ay pwedeng eraser, pero hindi naman totoo dahil plastic lang yun!

45. Mga ballpen na gamit natin sa school: Kilometrico ("I write thousands and thousands of words."), Haba Haba Ballpen (“...writes long!”), Escribo, at Scribbler Footlong ballpen na sumikat matapos ginamit sa Bagets. Pag-nakatanggap ka ng sulat sa crush mo at mabango, ibig sabihin Funny Friends ang ginamit niya.

46. Paramihan ng stickers, pencils, at erasers.

47. Paramihan ng Tex Cards! Sikat ang Zuma na Tex at comics.

48. Questor Magazine Book: Featuring Voltes V, Daimos, Mekanda Robot, Grendizer, Getta Robot, at Mazinger Z. Smooth hi-grade paper at napaka-gandang illustrations.

49. Lagi mong pinapatugtog sa record player mo: Super Robots na LP, Nail Clippers, o VST & Company.

50. Kahit saan ka pumunta pinapatugtog ang BeeGees.

51. Russel Yoyo craze na pakulo ng Coca Cola! Coke (red/white), Royal (all orange), Sprite (green/white), Mellow Yellow (yellow/white), Super Spinner (Coca Cola face/transparent sides). Pinag-ipunan mo para bumili ng super spinner, pero nalaman mo na madaling maputol ang string pag-ginagawa mo ang “walking the dog” trick. Pupunta ka sa sari-sari store para bumili ng bagong yoyo string, at hinihintay mo mapanuod ang yoyo contest sa Student Canteen.

52. Pag-gumising ka ng maaga at nakatutok ang mga katulong sa AM Radio (DZRH Radio Balita) at umuulan ng malakas, ibig sabihin bumabagyo at walang pasok.

53. Similar ang amoy ng bagong notebook at mongol pencil sa amoy ng ulan. Pero ang totoo, naiisip mo lang yun dahil tag-ulan pag umpisa ng pasukan.

Nostalgia Lists are updated and posted every week.
Read ALL (including current) Nostalgia Lists now!

Technorati Tags:70s, 80s, nostalgia

Read More